Su l' cop d' midi, varoulant dins ches rues, on pouyoèt asner par ches portes introuvertes eune bonne odeur ed ratons et l' bon flair d'ech burre aiguisoèt ches z' appétits. Mais su ches deux heures, v'lo ches cius qu'is c'minch'nt-té à s' rimbreuiner, nom des oches ! Et tout d'un cop, bardouf ! I s' met à pluvoir à daques. Cho ch'est malhureux ! Ches jones gins is font des yus d' blanc-fer par darrière leus farnêtes.
Carnaval il est dins l'iaue si cha continue... Mais queu chance ! On diroèt qu' cha s' débardoulle, lo in haut. Cha n' n' quet pus ! Tant miux ! Et tut duch'mint, par chi, par lo, v'lo des "iou, iou" dins ches rues.
In viu ménache, harnéqué d' loques acatées à ch' marqué à puches, aveuque leu jone homme qu'il o mis l' baïette à pan d' sin taïon ! Cha n' n' fait arien. Ch'est des masques, énon, et tous ches garchonnals is queurt'nt-té sots après. Su ches chinq heures, Ropot est in grand émoé. Des bindes d' tous les couleurs, des bardales, des panches plates, des jones files, leus caveux su l' dos, sortent d' ches "bagnoles"...
I' n' n' pleut toudis pus. I gn'o du bon. Dins ch' bout d' chelle rue d' Doullins, n'in v'lo eune masse qui déval'nt-té. Ech grand Augusse, ch' marcand d' café (un célèpe, étou), comm' un général in batalle, elzé fait mette in mont d' hommes (nan, in "monôme, pou' l' imploïer ches grands mots)...
Mon Diu, èm' mère, n'in v'lo pus d' soéxante, à l' queu d' leu. Queu bacanal aveuque leus garlots, pire eq' ches Bamboulas quand qu'is font el danse du vinte.
Huit heures. Pierrots et colombines is s' ramonchell'nt-té su l' plache d'el mairie pou ch' bal à l' salle des fêtes. Faut vir, ech monte-lo. Des capiaux pointus, des tuïaux d' poêle, des capiaux d' solel, des dominos, des pages, des marquis, des mousquetaires, deux Sidis bin noirs, un coupe ed merveilleusses aveuqu' eune queuette toute blanque et bin infarinée d' poure, des leus et des musiaux d' thien su leu figure...
J'èn' m'el ramintus poent d'avoir vu cho à Freuvint edpis eune bonne résette ed temps. Cha vous rajonichoèt. Bez, Monsieu l' Rédigeu, j'avoès invie d'artourner èm' baïette, d' coller eune inflique su min nez et d' faire un galop, mi étou.
Cha n'est pus d' nou temps, nous z'autes; faut songner nous romatiques, asteure, jou poent vrai ! Cha n' n' fait arien; j'in sus fin bénache pou nou jeunesse qui o pu s'abagner fort honnêt'mint.
Il étoèt bin deux heures su l' matin quand ches darniers masses bidouillants, mais contints, is sont rintrés à leu mason, in s' promettant d'arc'mincher à l' Mi-Carême.
J' vous armercie, Monsieu l' Rédigeux, d'avoir été assez aimape in m' prêtant vou gazette et, pou les pânes, ej vous balle eune bonne pugnie d' mains aveuqu' eune fricassée d' musiaux.
- Texte signé "Iadélou Muguette", publié dans "L'Abeille de la Ternoise" du 1er mars 1925 et traduit en saint-polois par l'auteur de cet article.
Carnaval
à M. A. Demont, président des Rosti du Ternois
Quel est ce cri, cette clameur ?
Mon Dieu, quel vacarme infernal !
Ah ! je comprends cette rumeur:
C'est le réveil du Carnaval !
Je vois défiler dans la rue,
Au son du joyeux mirliton,
Une véritable cohue
De gens qui perdent la raison...
Voici des dominos criards,
Au bras de gentilles soubrettes;
Ensuite, des pierrots blafards
Et des muscadins en goguettes.
Il neige de gais confettis
Sur le passage des fêtards,
Qui réjouissent par leurs cris
Tout un cortège de moutards.
Avec un esprit très pratique,
Fêtons, ami, le Carnaval;
Au coin du foyer domestique
Il est, je crois, plus qu'un régal.
C'est le jour des crêpes friandes,
Allons, vite, un fin cordon bleu;
Nous lui ferons honneur, parbleu !
Avec nos deux lèvres gourmandes !
Frévent, février 1909. Paul B...
Article rédigé par :
marcel bayart
Vieux St Polois dans l âme et l'esprit
PS: Le Ternois avec son patois local , toute petite région coincée entre la Picardie et l'ex bassin minier
